July 10, 2026
Punjab Speaks Team / Punjab
ਨਵੀਂ ਦਿੱਲੀ 10 ਜੁਲਾਈ 2026:ਵੱਡੇ ਪਰਦੇ ‘ਤੇ ਆ ਰਹੀ ‘ਰਾਮਾਇਣ’ (Ramayana) ਨੂੰ ਲੈ ਕੇ ਚਰਚਾਵਾਂ ਪਿਛਲੇ ਕਾਫੀ ਸਮੇਂ ਤੋਂ ਚੱਲ ਰਹੀਆਂ ਹਨ। ਫ਼ਿਲਮ ਦੀ ਰਿਲੀਜ਼ ਦੀਆਂ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ‘ਤੇ ਹਨ ਅਤੇ ਫ਼ਿਲਮ ਵਿੱਚ ਰਣਬੀਰ ਕਪੂਰ (Ranbir Kapoor) ਮੁੱਖ ਕਿਰਦਾਰ ਨਿਭਾ ਰਹੇ ਹਨ। ਫ਼ਿਲਮ ਦੇ ਟ੍ਰੇਲਰ ਨੂੰ ਲੈ ਕੇ ਵੀ ਨਵੇਂ ਅਪਡੇਟਸ ਸਾਹਮਣੇ ਆ ਰਹੇ ਹਨ। ਇਸੇ ਦੌਰਾਨ ਹੁਣ ਰਾਮਾਇਣ ਦੇ ਮੇਕਰਸ ਨੇ ਕੁਝ ਅਜਿਹੀ ਤਿਆਰੀ ਕੀਤੀ ਹੈ, ਜਿਸ ਨਾਲ ਕਈ ਸਕੂਲੀ ਬੱਚੇ ਜੁੜਨ ਜਾ ਰਹੇ ਹਨ।
ਰਾਮਾਇਣ ਨੂੰ ਲੈ ਕੇ ਚੱਲੇਗੀ ਮੁਹਿੰਮ
ਨਮਿਤ ਮਲਹੋਤਰਾ ਅਤੇ ਨਿਤੇਸ਼ ਤਿਵਾਰੀ ਦੀ ਰਾਮਾਇਣ (Ramayana) ਨੂੰ ਲੈ ਕੇ ਇੱਕ ਖ਼ਾਸ ਕਿਸਮ ਦੀ ਮੁਹਿੰਮ ਚਲਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। 400 ਤੋਂ ਵੱਧ ਸਕੂਲਾਂ, 18 ਸ਼ਹਿਰਾਂ ਅਤੇ 5 ਲੱਖ ਤੋਂ ਵੱਧ ਵਿਦਿਆਰਥੀਆਂ ਤੱਕ ਪਹੁੰਚ ਰੱਖਣ ਵਾਲੀ ਇਹ ਮੁਹਿੰਮ ਫ਼ਿਲਮ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਤੋਂ ਪਹਿਲਾਂ ‘ਰਾਮਾਇਣ’ ਦੀ ਵਿਰਾਸਤ ਨੂੰ ਦੇਸ਼ ਭਰ ਦੇ ਬੱਚਿਆਂ ਅਤੇ ਨੌਜਵਾਨਾਂ ਤੱਕ ਪਹੁੰਚਾਉਣ ਲਈ ਤਿਆਰ ਕੀਤੀ ਗਈ ਹੈ।
9 ਜੁਲਾਈ ਤੋਂ ਦੇਸ਼ ਭਰ ’ਚ ਵੱਡੇ ਪੱਧਰ ‘ਤੇ ਇੱਕ ਸਕੂਲ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ। ਇਸ ਦਾ ਮਕਸਦ ਭਾਰਤ ਦੇ ਸਭ ਤੋਂ ਪ੍ਰਸਿੱਧ ਮਹਾਕਾਵਾਂ ਵਿੱਚੋਂ ਇੱਕ ‘ਰਾਮਾਇਣ’ ਦੀ ਭਾਵਨਾ, ਉਸ ਦੇ ਨੈਤਿਕ ਮੁੱਲਾਂ ਅਤੇ ਵਿਰਾਸਤ ਨੂੰ ਸਿੱਧਾ ਦੇਸ਼ ਦੇ ਬੱਚਿਆਂ ਤੱਕ ਪਹੁੰਚਾਉਣਾ ਹੈ।
400 ਤੋਂ ਵੱਧ ਸਕੂਲਾਂ ਵਿੱਚ ਚਲਾਈ ਜਾਵੇਗੀ ਖ਼ਾਸ ਮੁਹਿੰਮ
ਬੱਚਿਆਂ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤੀ ਗਈ ਇਸ ਮੁਹਿੰਮ ਨੂੰ 18 ਸ਼ਹਿਰਾਂ ਦੇ 400 ਤੋਂ ਵੱਧ ਸਕੂਲਾਂ ਵਿੱਚ ਚਲਾਇਆ ਜਾਵੇਗਾ ਅਤੇ ਇਸ ਰਾਹੀਂ 5 ਲੱਖ ਤੋਂ ਵੱਧ ਵਿਦਿਆਰਥੀਆਂ ਤੱਕ ਪਹੁੰਚਣ ਦੀ ਉਮੀਦ ਜਤਾਈ ਗਈ ਹੈ। ਇਸ ਪਹਿਲਕਦਮੀ ਦੇ ਤਹਿਤ ਬੱਚੇ ‘RAMAYANA’ ਨਾਲ ਜੁੜੀਆਂ ਕਈ ਖ਼ਾਸ ਗਤੀਵਿਧੀਆਂ ਵਿੱਚ ਹਿੱਸਾ ਲੈਣਗੇ। ਇਨ੍ਹਾਂ ’ਚ ਡਰਾਇੰਗ, ਰਚਨਾਤਮਕ ਗਤੀਵਿਧੀਆਂ, ਕੁਇਜ਼ (ਪ੍ਰਸ਼ਨ ਉੱਤਰ) ਮੁਕਾਬਲੇ ਅਤੇ ਆਪਸੀ ਵਿਚਾਰ-ਵਟਾਂਦਰੇ ਸ਼ਾਮਲ ਹਨ।
ਇਨ੍ਹਾਂ ਗਤੀਵਿਧੀਆਂ ਦੇ ਜ਼ਰੀਏ ਬੱਚਿਆਂ ਨੂੰ ਆਪਣੇ ਪਰਿਵਾਰ ਨਾਲ ਮਿਲ ਕੇ ‘ਰਾਮਾਇਣ’ ਨੂੰ ਸਮਝਣ ਅਤੇ ਉਸ ਨਾਲ ਜੁੜਨ ਦਾ ਮੌਕਾ ਮਿਲੇਗਾ। “ਸਾਡਾ ਸੱਚ, ਸਾਡੀ ਹਿਸਟਰੀ” ਦੀ ਸੋਚ ‘ਤੇ ਅਧਾਰਿਤ ਇਸ ਮੁਹਿੰਮ ਦਾ ਉਦੇਸ਼ ਨਵੀਂ ਪੀੜ੍ਹੀ ਨੂੰ ਰਾਮਾਇਣ ਨਾਲ ਜੋੜਨਾ ਹੈ।
ਰਾਮਾਨੰਦ ਸਾਗਰ ਵਰਗਾ ਜਾਦੂ ਬਿਖੇਰਨ ਦੀ ਤਿਆਰੀ
ਇਹ ਪਹਿਲਕਦਮੀ ‘ਰਾਮਾਇਣ’ ਦੀ ਰਿਲੀਜ਼ ਤੋਂ ਪਹਿਲਾਂ ਦੀਆਂ ਵੱਡੀਆਂ ਤਿਆਰੀਆਂ ਦਾ ਇੱਕ ਅਹਿਮ ਹਿੱਸਾ ਹੈ। ਫ਼ਿਲਮ ਮੇਕਰ ਨਿਤੇਸ਼ ਤਿਵਾਰੀ, ਨਿਰਮਾਤਾ ਨਮਿਤ ਮਲਹੋਤਰਾ ਅਤੇ ਫ਼ਿਲਮ ਦੇ ਲੀਡ ਐਕਟਰ ਰਣਬੀਰ ਕਪੂਰ ਦੀ ਕੋਸ਼ਿਸ਼ ਹੈ ਕਿ ਫ਼ਿਲਮ ਦੀ ਰਿਲੀਜ਼ ਨੂੰ ਹੋਰ ਵੀ ਸ਼ਾਨਦਾਰ ਬਣਾਇਆ ਜਾ ਸਕੇ।
ਇਹੀ ਕਾਰਨ ਹੈ ਕਿ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਸਾਰਿਆਂ ਨੂੰ ਰਾਮਾਇਣ ਬਾਰੇ ਦੱਸਿਆ ਜਾ ਰਿਹਾ ਹੈ। ਜੋ ਜਾਦੂ ਕਦੇ ਰਾਮਾਨੰਦ ਸਾਗਰ ਦੀ ਰਾਮਾਇਣ ਨੂੰ ਲੈ ਕੇ ਦੇਖਣ ਨੂੰ ਮਿਲਿਆ ਸੀ, ਹੁਣ ਉਹੀ ਜਾਦੂ ਰਾਮਾਇਣ ਦੇ ਮੇਕਰਸ ਦੁਬਾਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਹਾਲ ਹੀ ਵਿੱਚ ਖ਼ਬਰ ਆਈ ਹੈ ਕਿ 18 ਜੁਲਾਈ ਨੂੰ ਫ਼ਿਲਮ ਦਾ ਟ੍ਰੇਲਰ (Ramayana Trailer) ਦਿੱਲੀ ਵਿੱਚ ਇੱਕ ਖ਼ਾਸ ਈਵੈਂਟ ਦੌਰਾਨ ਰਿਲੀਜ਼ ਕੀਤਾ ਜਾਵੇਗਾ। ਨਿਤੇਸ਼ ਤਿਵਾਰੀ ਦੇ ਨਿਰਦੇਸ਼ਨ ਹੇਠ ਬਣ ਰਹੀ ‘ਰਾਮਾਇਣ’ ਨੂੰ ਨਮਿਤ ਮਲਹੋਤਰਾ ਦੀ ਪ੍ਰਾਈਮ ਫੋਕਸ ਸਟੂਡੀਓਜ਼, 8 ਵਾਰ ਆਸਕਰ ਜਿੱਤ ਚੁੱਕੇ ਵੀ.ਐੱਫ.ਐੱਕਸ. (VFX) ਸਟੂਡੀਓ DNEG ਅਤੇ ਯਸ਼ ਦੀ ਮੌਨਸਟਰ ਮਾਈਂਡ ਕ੍ਰਿਏਸ਼ਨਜ਼ ਨਾਲ ਮਿਲ ਕੇ ਪ੍ਰੋਡਿਊਸ ਕੀਤਾ ਜਾ ਰਿਹਾ ਹੈ।
ਇਹ ਫ਼ਿਲਮ ਦੋ ਭਾਗਾਂ ’ਚ ਰਿਲੀਜ਼ ਹੋਵੇਗੀ। ਫ਼ਿਲਮ ਦੁਨੀਆ ਭਰ ਵਿੱਚ ਆਈਮੈਕਸ (IMAX) ’ਚ ਰਿਲੀਜ਼ ਕੀਤੀ ਜਾਵੇਗੀ, ਜਿਸ ਦਾ ਪਹਿਲਾ ਭਾਗ ਦੀਵਾਲੀ 2026 ਅਤੇ ਦੂਜਾ ਭਾਗ ਦੀਵਾਲੀ 2027 ਵਿੱਚ ਰਿਲੀਜ਼ ਹੋਵੇਗਾ।
The Magic Of The 4 000 crore Ramayana Is Set To Captivate The World Makers Have Devised This Master Plan For The Film
