August 7, 2024
Punjab Speaks Team / Punjab
ਲੁਧਿਆਣਾ, 07 ਅਗਸਤ (000) - ਜ਼ਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ ਰਸ਼ਮੀ ਵੱਲੋਂ ਲੁਧਿਆਣਾ ਰੇਲਵੇ ਸਟੇਸ਼ਨ ਵਿਖੇ ਰੇਲਵੇ ਵਿਭਾਗ ਦੇ ਅਧਿਕਾਰੀਆਂ ਨਾਲ ਬੈਠਕ ਕੀਤੀ ਗਈ ਜਿੱਥੇ ਬਾਲ ਵਿਆਹ ਅਤੇ ਮਨੁੱਖੀ ਤਸਕਰੀ ਨੂੰ ਰੋਕਣ ਦੇ ਉਪਾਵਾਂ 'ਤੇ ਚਰਚਾ ਕੀਤੀ ਗਈ ਅਤੇ ਬਿਹਤਰ ਤਾਲਮੇਲ ਨਾਲ ਕੰਮ ਕਰਨ 'ਤੇ ਵੀ ਜ਼ੋਰ ਦਿੱਤਾ ਗਿਆ।
ਮੀਟਿੰਗ ਦੌਰਾਨ, ਆਈ.ਪੀ.ਐਫ. ਸ਼ੈਲੇਸ਼ ਕੁਮਾਰ, ਰੇਲਵੇ ਪ੍ਰੋਟੈਕਸ਼ਨ ਫੋਰਸ ਪੋਸਟ ਲੁਧਿਆਣਾ ਅਤੇ ਏ.ਐਚ.ਟੀ.ਯੂ. ਸਟਾਫ, ਏ.ਐਸ.ਆਈ. ਵਿਜੇ ਕੁਮਾਰ ਸੀ.ਆਈ.ਬੀ/ਡੀ.ਡਬਲਿਊ/ਫਿਰੋਜ਼ਪੁਰ ਅਤੇ ਸਟਾਫ਼, ਬੀ.ਬੀ.ਏ. ਸੰਦੀਪ ਸਿੰਘ ਏ.ਪੀ.ਓ ਵੀ ਮੌਜੂਦ ਸਨ।
ਇਸ ਮੌਕੇ ਸ਼ੱਕੀ ਗੱਡੀ ਨੰਬਰ 15707, 13005 ਦੀ ਵੀ ਅਚਨਚੇਤ ਚੈਕਿੰਗ ਕੀਤੀ ਗਈ ਤਾਂ ਜੋ ਘਰੋਂ ਭੱਜੇ ਬੱਚਿਆਂ ਅਤੇ ਨਸ਼ੇ ਵਿੱਚ ਧੁੱਤ ਬੱਚਿਆਂ ਦੀ ਵੀ ਨਿਗਰਾਨੀ ਕੀਤੀ ਜਾ ਸਕੇ।
ਮੀਟਿੰਗ ਦੌਰਾਨ, ਜ਼ਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ ਰਸ਼ਮੀ ਵੱਲੋਂ ਵਿਆਹ ਸਬੰਧੀ ਜਾਗਰੂਕਤਾ ਮੁਹਿੰਮ 'ਤੇ ਵੀ ਜੋਰ ਦਿੱਤਾ ਅਤੇ ਸੂਚਨਾ ਦੇ ਬਿਹਤਰ ਆਦਾਨ-ਪ੍ਰਦਾਨ 'ਤੇ ਵੀ ਸਹਿਮਤੀ ਬਣੀ। ਉਨ੍ਹਾਂ ਲੁਧਿਆਣਾ ਰੇਲਵੇ ਸਟੇਸ਼ਨ 'ਤੇ ਯਾਤਰੀਆਂ ਨੂੰ ਮਨੁੱਖੀ ਤਸਕਰੀ ਬਾਰੇ ਵੀ ਜਾਗਰੂਕ ਕੀਤਾ।
Ludhiana Railway Station
