ਫਿਲਮ 'ਖੂਨ ਕਾ ਬਦਲਾ ਖੂਨ' 'ਚ ਬੋਲੇ ਜਾਣ ਵਾਲੇ ਡਾਇਲਾਗ ਵਰਗਾ ਹੈਰਾਨ ਕਰਨ ਵਾਲਾ ਮਾਮਲਾ ਰਾਜਕੋਟ 'ਚ ਸਾਹਮਣੇ ਆਇਆ ਹੈ ਜਿਸ ਵਿੱਚ ਇੱਕ ਮਾਂ ਨੇ ਡੇਢ ਮਹੀਨੇ ਵਿੱਚ ਹੀ ਆਪਣੇ ਪੁੱਤਰ ਦੀ ਮੌਤ ਦਾ ਬਦਲਾ ਲੈ ਲਿਆ। ਔਰਤ ਨੇ ਆਪਣੇ ਜਵਾਈ ਦੇ ਭਰਾ ਦਾ ਅੰਨ੍ਹੇਵਾਹ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ। ਪੁਲਸ ਨੇ ਇਸ ਮਾਮਲੇ 'ਚ ਦੋਸ਼ੀ ਔਰਤ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।ਦਰਅਸਲ, ਚਾਰ ਦਿਨ ਪਹਿਲਾਂ ਰਾਜਕੋਟ ਦੇ ਸਰਧਾਰ ਨੇੜੇ ਸਰ ਪਿੰਡ ਵਿੱਚ ਗਿਰੀਸ਼ ਰਾਠੌੜ ਨਾਮਕ ਨੌਜਵਾਨ ਦੀ ਖੂਨ ਨਾਲ ਲੱਥਪੱਥ ਲਾਸ਼ ਮਿਲੀ ਸੀ। ਇਸ ਦੀ ਸੂਚਨਾ ਮਿਲਣ 'ਤੇ ਪੁਲਸ ਅਤੇ ਅਪਰਾਧ ਸ਼ਾਖਾ ਦੀ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਜਾਂਚ ਕੀਤੀ। ਪੁਲੀਸ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਗਿਰੀਸ਼ ਆਪਣੀ ਮਾਂ ਦੇ ਅਪਰੇਸ਼ਨ ਲਈ ਰਾਮੋਦ ਗਿਆ ਸੀ, ਜਦੋਂ ਉਹ ਪਿੰਡ ਨੇੜੇ ਪੁੱਜਾ ਤਾਂ ਉਸ ਨੂੰ ਚਾਕੂ ਮਾਰ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ। ਇਸ ਮਾਮਲੇ 'ਚ ਪੁਲਸ ਨੇ ਮ੍ਰਿਤਕ ਗਿਰੀਸ਼ ਦੀ ਭੈਣ ਜੈਸ਼੍ਰੀ ਦੀ ਸਾਬਕਾ ਸੱਸ ਸੋਨਲਬੇਨ ਸੋਹਲੀਆ (50) ਨੂੰ ਗ੍ਰਿਫਤਾਰ ਕੀਤਾ ਹੈ।